حكايتي بالدموع

بكتب حكايتى بالدموع..
بسحبها من بين الضلوع..
وكل كلمه كتبتها..
تنشف.. قوام أرجعلها..
أعيدها مره ومرتين..
يعنى القلم نفسو حزين..
بيحسها بنفس الانين..
وأنا بكتب بدموع العين..

فى ناس بتجرح جسمها..
تسحب نقط من دمها..
تكتب حروف من أسمها..
برهان لحب بعضها..
أنا دمى جمدته ف عروقى..بعد ماكان بيغلى منك..
بعد ماانت قتلت شوقى..مش بيجرى بعد منك..
مابقاش فاضلى غير دموع..
منها بقيت أشبع وأجوع..
أتسلى بيها ف الليالى..
سهران وبحلم بالرجوع..

وبحسها..نازله على خد أتظلم..
بحسها..نارها بتحرق م الالم..
وبحبها..عشان دى فاضله من العدم..

بطلت أأقول كلمه بحبك..خليها حبيتك..
خليها فعل ماضى..خلاص أنا نسيتك..

وصلتنى بالقسوه لدموعى الكتيره..
مابتتمسحش من عينيه كل ليله..
أكتب ..تغرق الحروف..
سيل ومش عارف أشوف..
أعرف اللى حروفه دموع..
بيكون متألم موجوع..
من نارى بكتب بالدموع..
جربت تكتب بالدموع؟

مـــــــــــــــــنـــــــــــــــــقــــــــــــــــــــــــــول

جميل جداً ما باح به قلمك المبدع

اتمنى لك المزيد من العطاء

فلا تتاخري علينا ننتظرك

تحياتي لك غاليتي ملكة الرومانسيه..