كلمات مسروقة من دفتر طفل

هذه كلمات مسروقه من دفتر طفل كتبها بعامية اللغه..ودهشة السؤال ؟!



السبــــت:



فتحت عيوني..أدور عن نور..أمروني <غمض>..و...غمضت..بعدها ما شفت لا ابيض ولا اسود !


الأحــــد:



كنت أسمعهم يقولون:<ألعن أبوك!>,<يا حمار>,<يا حيوان>, <يا ثور>,<يا بقرة>,<يا لوح>,<يا جدار>...
فتوقعت اني في حديقة حيوانات..فتحت عيوني ودي اشوف هـ(الحيوانات)..قالوا لي:"ما يصلح تشوف قلة أدب"..
سألتهم:طيب..في عصفور ؟؟
صرخوا في وجهي:<انطم واسكت>



الاثنيــــن:

سمحوا لي اشوف التلفزيون..كنت لحالي منسجم مع أفلام كرتون ..دخلت امي..وكان ابو عائلة ادمز(يبوس) أمهم..ركضت امي ..غيرت القناة..
وصرخت بأعلى صوتها.."عيب عليك..قاعد تشوف قلة أدب..!!"
ناظرتها بكل براءه وانا متعجب من اللي صار:"طيب ايش صار؟؟أبوهم يبوس أمهم!.."
قالت لي وهي معصبه(التبويس..قلة حياء!!)



بعدها بأسبوع..


شفت امي تسلم على ام الجيران و(تبوووووسها)..قلت لها وانا كلي أسى"يا ماما..التبويس قلة حياء!!.."



الثلاثـــاء:


كانوا بنات خالتي عندنا ..وكنت الولد الوحيد اللي يلعب معهم ..وأبوي بس يبحلق عيونه فيني وين ما رحت ووين ما جيت ..
بعد ما راحوا..ناداني أبوي وقال:"عيب الواحد يجلس مع بنات..قلة أدب..!"




بعدها بكم يوم..
كان أبوي جالس مع عماتي..اتطلعت بطرف عين( الصدق حقدت عليه)..
وقلت له:"اللي يجلس مع بنات..قليل أدب!!"



الأربعــــاء:

كنت اسمعهم يقولون(صدام قوي) ..وأعجبني...بعد الأزمه..قالوا(حرامي ومجرم)..
سألتهم:كيف؟؟!!..قالوا:"حرامي ومجرم..وبس..واسكت..!"




وكنت أسمعهم يقولون (جيم كاري..فاسد)..فكرهته على طول..وكانوا يشوفون أفلامه..ويضحكووون..
كنت أسألهم"ليه تضحكون؟!..ما تقولون انه فاسد"...قالوا..ما تنطم بس.!!!



الخميــــس:


أبوي يقول <االتدخين> حرام .. واللي يدخن يدخل النار..
وفي يوم شفت ابوي جالس مع صديقه أبو حمد..وأبو حمد ماسك السيجاره بيده..
وقفت وسألت ابوي""طيب اللي يجلس مع اللي يدخنون..يدخل النار كمان!!!"



الجمعــــة:


أسمعهم يقولون..ان اللي يطول في مكالمته يغازل ..واللي يروح للسوق يغازل ..واللي يعرف انترنت يغازل ...
وامي تطول على التلفون,,وتروح للسوق,,وتطقطق على الكمبيوتر..
رحت لأبوي وانا مصدووووم::"أبوووووي الحق..




أمي تغازل !!!!



للاسف هذي صور من المجتمع ..
بالنسبه لتربيتنا لاطفالنا

هذة التربية الكثير منا تعرض لها بدون توضيح كل شيى
لذلك اصبحت ادينا عادة نمارسها مع اطفالنا
لك منى كل الاحترام والتقدير
تحياتى

عمر
وحسن
ونجيب
مشكورين على مروركم الرائع
تمنياتي لكم بالتوفيق والنجاح

احترامي لكم