من الذي يستطيع ان يتحمل هذه الاسره؟؟!!

زائر

تخيل انك بتكلم اسره مثل هذه الاسره وشوف اللى يحصللك ..

التلفون رن....
الطفله: الووووووو
المتكلم: الووو اهلا
الطفله: اهلا بيك
المتكلم: فين الوالده
الطفله: ماعندناش واحده والده
المتكلم: لالا عيب كده.. ربنا يخليهالكم
الطفله: لا عيب ليه بقولك مفيش عندنا والده
المتكلم: عمرك قد ايه ياشاطره
الطفله: عرفتى انى شاطره ازاى
المتكلم: ضحكت وقالتلها.. باين عليكى دمك خفيف
الطفله: انتى اللى دمك خفيف... متقوليش عليا كده
المتكلم: باين عليكى صغيره
الطفله: انا اطول منك
المتكلم: طيب يلا ادينى ماما
الطفله: ليه هى امك عندنا
المتكلم: خلاص ادينى امك
الطفله: مش هتعدى من السلك
المتكلم: نادى امك
الطفله: امى ماعندهاش نادى
المتكلم: يارب صبرنى
الطفله: يصبرك بشوك ولا من غير شوك
المتكلم: صرخت " ادينى حد كبيرررر"
الطفله: كبير بالحجم ولا بالطول ولابالعمر
المتكلم: ادينى واحد برميل اتكلم معاه
الطفله: استغفر الله العظيم عايزه تتكلمى مع برميل.. بس البرميل جماد
المتكلم: انا دلوقت جاى عندكم .. ادينى حد كبير بقى
الطفله: لا متجيش دلوقت لان صديقاتى عندى لما يمشو ابقى تعالى
المتكلم: ماشى بس لو اشوفك هعملك بطاطا
الطفله: مسلوقه ولا شوى فى الفرن
المتكلم: احسنلك اسكتى لانك زعلتينى
الطفله: مين اللى زعل تينك وليه اساسا التين بيزعل
المتكلم: خلاص انتى انتى زودتيها عاد
الطفله: عاد ولا ثمود ههههه حلوه دى
المتكلم: عاد الى بيته .. مبصوته
الطفله: الصراحه مش مبصوته فى شئ مزعلنى
المتكلم: خليه يزعلك يمكن تنفجرى زى البلونه
الطفله: ايه هو لون البلونه اللى هنفجر زيها
المتكلم: تقول باعلى صوتها..." فين امــــــــــــــــك؟؟؟"

فتيجى امها وتاخد التليفون وتقول الووووو.. مين معايا

المتكلم: حرام عليكى ايه البنت دى طلعتلى قرن فى دماغى
الام: قرن ايه .. قرن غزال ولا قرن موز
المتكلم: على طول رايقه وبتحبى تهزرى .. لا قرن ثور
الام: قد ايه الثور ده

المتكلمه قفلت السماعه وراحت بيت صديقتها .. ورنت الجرس

فقالت الام للطفله: قومى شوفى مين على الباب
جريت البنت على الباب وجابت كرسى ووقفت عليه وبصت اعلى الباب وبعدين قالت مفيش حد على الباب فى واحده وراه
قالت الام: خلاص خليها ترن الجرس زى ماهى عايزه
الطفله: انهى جرس .. جرس المدرسه؟؟؟
الام: لا جرس البيت
الطفله: بيتنا ده ولا اللى بنبنيه جديد
الام: لا جرس بيت الجيران

وعايشين على الموال ده ليل نهار
اللى يقدر يستحمل اسره جميله مثل هذه الاسره يقوللى ...

هههههههههههههههههههه

بتمنى اني كنت قد رسمت البسمه على وجوهكم

تحياتي مع خالص محبتي ووفائي اختكم ,,,

مــــــــــلاك

ههههههههههههههه
عنجد حلوه كثير هالقصه

بس أكيد ما حدا يتحمل هالأسره غير المجنون..

يسلمو عزيزتي ملاك
محبتي وأحترامي

زائر

هههههههههههههههههههه يسلموو لمرورك شجوونه حبيبت قلبي

تحياتي الك خيتوو ,,,

هههههههههههههههههههههههه

يسلمو اخت ملاك بجد رائعة

تحياتى

زائر

هههههههههههههههههههه يسلموو مرورك خيوو حسن

ههههههههه شو هالطفلة هاي هلكتني انا قد مقريت ... بس حلوي لانك انت كتبتيها يا ملاك ... الى الامام وانشالله نشوف منك اشياء احلى
تحياتي
جمال الروح ....

» الحب هو ذلك الشيء الذي لا يستطيع أن يستوعبه أكبر عقل
» اللى ما يتحمل لا يشوف
» اقوال الحب الذي يخاف الحب أرق من الذي يخافه
» ما لا يستطيع الاغنياء شراءه ؟
» لكل عاشق لم يستطيع نسيان حبه