احكي عربي ...بسيدر !!!

موضوع: احكي عربي ...بسيدر !!! 19/6/2009, 21:57

الاول: كين أحي ، ما ماتساف؟.... (شو الاخبار)

الثاني: أنا والله بسيدر ،ايفو اتاه يا زلمة

الاول:والله بالهرتسأه..(بالمحاضرة)

الثاني:.شو بتسوي

الاول:يييي اعطونا كثير حومر وترجيليم(مواد وتمارين) ومش ملحق عليهن وفوق كل هاذ بدي اروح على ال سفرياه (المكتبة) اطلع الترجيل (التمرين) من المحشيف (الحاسوب) وبعدين لازم ادفع تكملة ال سخار ليموديم (قسط الجامعة)

الثاني:بعين الله بحكي معك احار كاخ (بعدين) بلكي شفتك على الساعة سبعة بسيدر؟
الاول:اوكي جيفر نهيي بكيشر(بنضل على اتصال)

انتهى

هذا الحوار للاسف اصبح نموذج دارج ومنتشر بين ابناءنا ،و اشعر انهم يفتخرون ويعملون على استخدام هذه المصطلحات في حوارهم كأنه نوع من انواع الرقي الاجتماعي وفرد العضلات في المجالس ....
اسالة تدور في دماغي لماذا سمحنا للاحتلال ان يحتل عقولنا فوق احتلاله لارضنا..لقد عمل على تهويد القدس فغير الاسماء وغير الاماكن والان سمحنا له بتغيير البشر ونحن من سمح له بهذا الامر،سمحنا له عندما اهملنا لغة القرءان ..أجمل وافصح واشرف لغة على الارض...والتي كانت وما زالت تحمل مكانة مرموقة تاريخيا وثقافيا ودنيا فعدد متحدثيها في العالم يبلغ ال422 مليون نسمة.

بكل اسف اقولها بالم لقد نجح الاحتلال(( بعبرنة لغتنا)) ،

رسالتي لكل مربي من مدرسين وأهالي :اعيدوا لابناءنا افتخارهم وانتماءهم بلغتهم...ازرعوا فيهم حب اللغة عن طريق المطالعة وقراءة القرءان وتذوق الشعر والادب ..لاتجعلوا هذا السبات يطول فننهض ذات يوم فنجد امجادنا وحضارتنا قد اندثرت في مهاوي التاريخ وحينها من الصعب علينا طلب الاستئناف لاعادتها....
لغتنا امانة في اعناقنا فلنحافظ عليها

موضوع: رد: احكي عربي ...بسيدر !!! 19/6/2009, 22:03

مشكورة مروة بس مع احترامي لألك انا بشوف انو مش غلط الواحد يتعلم ويتداول لغة العدو او يتدبرها
لأنو بشكل او بأخر هاد الشي مهم من عدة نواحي
اي نعم مش مفروض يكون التداول مبالغ فيهبس ضروري
ومش لازم نواجه الموضوع وكأنو داء او مرض

انا اسفة ازا كان ردي قاسي او ما عجب احد الاطراف بس هاد رايي

تحياتي ومشكورة على الطرح المهم

موضوع: رد: احكي عربي ...بسيدر !!! 19/6/2009, 22:25

أنوار القلب بداية أشكر مرورك
علك لم تفهمي المقصد من هذه الدعوة فأنا لم أقل أو أشير الى عدم تعلم اللغة العبرية أو أي لغة (فأنا أتعلمها ) أنا وجهت رسالتي حماية للغة العربية التي باتت يوما بعض الاخر تضمحل بسبب تفاهة شبابنا وشاباتنا في استخدام اللغة العبرية أو غيرها فيؤسفني هنا ان أنعي لكم عربيتنا أين نحن منها ولماذا أصبحنا نستخدم لغة أخرى ومصطلحات ربما تكون دنيوية بهدف المباهاة ولفت النظر (بحكي عبري ) وأين الغريب والمميز في أي لغة لكي تفضلها على لغتك
أعتقد يا انوار انك واعية وتفهمين مقصدي الان وربما تسرعت في ردك
وأنا من جهتي أتوقع أن الداء والمرض بنا نحن وليس باللغة الأخرى بما اننا بنتباهى بها وبنبعد عن لغتنا العربية لغة ديننا الحنيف وقراننا العظيم

قال العلامة المحدث محمد ناصر الدين الألباني في كتابه الزاهر الموسوم بـ (سلسلة الأحاديث الصحيحة ) في الكلام على الحديث رقم 187وهو قوله ـ صلى الله عليه وسلم ـ لأحد أصحابه " تعلم كتاب اليهود ؛ فإني لا آمنهم على كتابنا " قال رحمه الله :
( وهذا الحديث في معنى الحديث المتداول على الألسنة : " من تعلم لسان قوم أمن من مكرهم " ولكن لا أعلم له أصلاً بهذا اللفظ ، ولا ذكره أحد ممن ألف في الأحاديث المشتهرة على الألسنة ، فكأنه إنما اشتهر في الأزمنة المتأخرة ) . السلسلة الصحيححة 1/366

وقد قال عمر -رضي الله عنه-: "إياكم ورطانة الأعاجم".
فمن تعظم باللغات الأجنبية مزدريا للعربية، فهو من أولياء أعداء الإسلام.

أتمنى أن تكون فكرتي من الموضوع قد وصلت اليك وأشكر مرورك من جديد

(على فكرة أنا مابزعل من حد وردك ما كان قاسي بقدر ما كان متهور أنا زعلت عليك بتمنى تاني مرة تتأني بردودك وأكيد بحترم رأيك ...!!!!)

تحية من القلب

موضوع: رد: احكي عربي ...بسيدر !!! 19/6/2009, 22:28

انا استوعبت المقصد بس يمكن ردي ما وضح
او كان متخذ جانب واحد من الموضوع
انا معك لازم ما نهمل اللغة العربية
وتحياتي الك

موضوع: رد: احكي عربي ...بسيدر !!! 19/6/2009, 22:33

شكرا لمرورك من جديد
نصيحة ...عمرك ماتاخدي الموضوع من جانب واحد الحياة متكاملة وجوانبها عديدة ...يعني لازم أي موضوع بحياتك تاخديه من عدة جوانب وتفكري فيه عشان توصلي للقرار السليم والجيد
وياريت تكوني تقبلتي كلامي بسعة صدر وبعيد عن الوعظية ...!!!

تحية من القلب

موضوع: رد: احكي عربي ...بسيدر !!! 20/6/2009, 02:44

أه يا فلسطين
لقد أغتصبت أرضك وهجر أكثر شعبك
واليوم يفقد هويته أهلك
كما يغزو الشيب الشعر هكذا تغزو ثقافه العدو ثقافتنا
هذا أسلوب جديد للأحتلال لكن بفعلنا نحن
لنحافظ على تراثنا من أي هجوم أو تسلل
شكراً لك على هذا الطرح
تحيات أخوك بالرب
م: سمير روهم

موضوع: رد: احكي عربي ...بسيدر !!! 23/6/2009, 23:42

مروة وانوار هدوا شوي !!!!!!!!!!!!!!!!!!!!!!!!!!!!!

شوفي مروة انا من وجهة نظري ما بحب الناس اللي بتزودها يعني زي هذول اللي فوق

انا شخصيا مرات بستخدم كلمات عبري بس مش لهدرجة هيك بطلت لغة اصلا

لسه في الدول العربية الحمد لله بحكوا نص انجليزي وبتسمعي كيف بحكوا الجزائريين والمغربيين

احنا لسه في الف نعمة لسه العربي عنا مفهوم كثير

اكيد اللغة العربية اهم شي لانه احنا عرب ما لازم نصير نتفاخر بلغة غير لغتنا

كيف وهي لغة القرآن الكريم

واليهود اكيد معنيين بتهويد فلسطين حتى تجريد الناس من لغتهم

انا بتمنى والله نرجع زي زمان نحكي عربي فصيح مثل المسلسلات التاريخية

بس اكيد صعب خصوصا لو سمعك حد من الناس بتحكي عربي فصيح بحكيلك روح نام شو هاللغة الجديدة

بس اكيد طالما القرآن محفوظ فاللغة لن تموت

موضوع في غاية الاهمية وانا بشكرك كثير مروة

لا تزعلي من انوار بتظل اختك الصغيرة

شريك انت متهور وانا اللي بعرفك ؟؟؟؟؟؟؟؟؟!!!!!!!!!!!!!!!!!!

موضوع: رد: احكي عربي ...بسيدر !!! 24/6/2009, 13:26

سمير روهم
أشكر مرورك من هنا وكلماتك
واحساسك الرقسق مع شعبنا الفلسطيني الجبار

تمنياتي بالسعادة
تحية من القلب

موضوع: رد: احكي عربي ...بسيدر !!! 24/6/2009, 13:32

ثابت
شكرا على مرورك
انت اكيد فهمت الطبقة المعنية بالحديث وممكن بالضفة مو متل القدس احتكاك اللغة واكيد القدس مو متل الشمال يعني بتراوح استخدام اللغة من منطقة لمنطقة بس صدقني بعز بنفس الواحد مننا يشوف شبابنا وبناتنا عم يتباهوا باللغة الاجنبية (عبرية ...انجليزية ...فرنسية ....) لمجرد انها لغة غريبة وكل هاد على حساب لغتنا
السؤال ليه من حقر من شأنها وبنفكر اننا لما نستخدمها هاد بجيبلنا العار وبنعتز باللغات التانية
المشكلة مو في الاحتلال وبس المشكلة فينا وبتفكيرنا
عربية سأبقى أبوح بها وأتلفظها حتى يواريني الثرى

تحية من القلب

موضوع: رد: احكي عربي ...بسيدر !!! 26/6/2009, 03:15

اختي مروة

انا معك فعلا انا كثير بشوف ناس بتيجي تتفصحن بتصير تحكي في عبري

طبعا انا ما كثير بهتم بهيك ناس لانهم في نظري ما بسوو بس يالله شو بنبسط لما واحد فيهم يتوه ويخربش

زي حكاية واحد بعرفه كان يوخذ لغة فرنسية وهيك

هلا انا قاعد في حالي جاي بتمخطر وبحكيلي ( بنجور )

انا رديت علي ( بنجور مدام ) ذكرني بابو عنتر وغوار ههههههههههههههههه

هلا قال ما عجب كلامي بلش يرطن فرنسي وانا الحمد لله مش فاهم شو بحكي وهو مبسوط ع حاله

من الله كنا قاعدين ع التلفزيون قام اجا واحد بحكي فرنسي في نشرة اخبار

انا كيفت هههههههههههههههههههههههههه

حكيلته اسمع يا ابو الفرنسي بدي تترجملي شو بحكي

قام صفن صفن وسرح وفتح ثمه مش عارف شو يقول

ههههههههههههههههه

يا الله شو ضحكت وقتها بلاكن بعدها بطل يعيدها

انا ما بستحي من لغتي اكيد ولو انه احنا كمان كسرناها اللغة العربية بس في عندي لفظات بتطلع من دون قصد مروة

خلص متعود على نمط معين زي بسيدر مثلا دارجة ع لساني كثير

وانا اصلا ما بعرف عبري

المشكلة في تربية الاباء للابناء لانهم فعلا في عندهم نوع من الاهمال

كمان الاحتلال عامل مهم خصوصا عرب 48 لانهم عايشين بين اليهود

كمان التفكير غير السليم ما بعرف ليش هيك بفكروا لما الواحد بحكي لغة غير شكل بلفت الانتباه

بس هو ما بعرف انه بنوله نوع من الاستحقار

شكرا مرووووووووووووووووووووووووووووووووووووووة

موضوع: رد: احكي عربي ...بسيدر !!! 26/6/2009, 20:10

العفو متمرد ولو أنا كنت حابة أوصل صورة كتير مأساوية بالنسبة الي
صعبة بحق الواحد يشوف لغته بتموت بس مو مشكلة الله بحميها لأنها لغة القران الكريم
عنا بالجامعة نص البنات نسيو العربي بين الانجليزي والعبري والمشكلة بطلو يعرفو يحكو الكلمة الانجليزية او العبرية بالعربي على كلمة ما بعرف شو بحكولها عندكم هي هيك بالانجلش
الله يرحم ستي وستك
هههههههههههههههههه

تحية من القلب

زائر

غاليتي مروة
اشكرك على هذا الموضوع الرائع
دجمتي بحب وسعاده
تحيتي لك

» احكي كل كلمة عشر مرات بسرعة
» هل أنت في بلد عربي؟
» انا عربي
» مساء الخير للجميع انا حاب احكي الكم عن اشي احنا ما بنعيرو اهتمام بس هوي مفيد جدا لصحتكم....
» عرف وين يقع (قصة حب بين كونداليزا رايس وسياسي عربي )