المرحوم رافد ساكو

size=24]

المرحوم رافد ساكو

ليش خليتيني أحبج
وأتعلق أبحبج
وعفتيني .. ليش آني أشبية

قرارج خلاني أدوخ
ضربيني بطلقة .. مو صاروخ
فَجَر جسمي يا أرهابية

ايدي أبصفحة
وجسمي أبصفحة
صرت دجاجة مشوية

كتلتيني وبالدفنة جنتي حزينة
وعلى تابوتي خليتي الورد والزينة
يابوية . أنت أشكد قوية

جنت أسميج ملاكي
طلعتي شيطان هلاكي
آني وياج الجهنم .. سوية

أنتظرج أبجهنم
وصدكيني الحبج ما أندم
أنت من يا جنسية

وية الزرقاوي
لو أرهابي هاوي
أنت لا عراقية ولا سورية

أكلج أنتِ شنو
أكلج أنتِ منو
أنت يهودية

ما تحبين السلام
حبج بَس كلام
أنتِ شمعة مطفية

تحبين الضلام
أحسن كاتبة للمسرحيات والأفلام
كتبتِ مسرحية

جنت أغني بدايتها
والله يرحمني نهايتها
قصة خيالية

أتشتت جسمي .. كلت منج مقبولة
متت آني وأنتِ اخذتي البطولة
اسمج زرقاوية بالهوية

أسم الوالد .. مفخخة
أسم الوالدة .. بالدم ملطخة
واللقب .. قنبلة صاروخية

المهنة .. صاروخ أمدمى
صدك أسم على مسمى
زرقاوية مفخخة قنبلة صاروخية

أنتِ لوغبية
لو مجنونة لو منغولية
ما كلتي رافد خطية

بسهولة كتيلي روح
طشرتي الجسد وطيرتي الروح
وين الحنية

أجيلج بالحلم وعلى قلبج أدوس
حلمج أقلبة كابوس
أفكاري صارت شيطانية

عايش وية الشياطين
آني صرَت تنين
حتى أشعاري صارت نارية

ورقتي انقلبت علم
بيها حزن وآلم
وقلمي صار بندقية

الله يرحمني
والروح تسألني
ليش شمرونة أبجهنم وحنة ضحية

كتلها اكيد ألجهنم تروحين
لان الحبيتها من الشياطين
كالتلي بَس أنت ما سويت آذية

سُكتي يا روح ونطمي
لا تزيديلي همي
خليج أبهمج وخلي البية .. بية

شوفيها يا روح سوَة تعزيتي بالفندق
ووزعت بيها شربت وبندق
خطية شكد مقهورة علية

تُقبل التعازي والرسوم
رافد ساكو المرحوم
في فندق الشياطين قرب ساحة القنبلة الذرية


القبـــــــ رافد ساكو ــــاني

[/size]

ياااااااااااااااااااااه
عنجد قويه جداااااااااااااااااااااا
بس ليش الحبيبل صار هلاك
انه ليس بحيبيب وليس بملاك
لايعرف سوي دمار وهلاك
لايعرف شو هالحب
شوهالاحساس الطيب
لكن يكفي قلبك يعرفه
وراح يصل اليه
وسيغادر هذا الشيطان
ويتركه يحترقه بافكاره
رووووووووووووووووووووووووووووووووووعه
يسلموووووووووووووو هالابداع

قبانى اضم صوتى لصوت من سبقونى فى محادثتك اخى تعجزكلماتى المتواضعه فى مجاراتك اشكرك

السحر سحر كلماتك وكتابتك
والنغم نغم ابداعك المتميز
والانحناء واجب ليس لقلمك فقط
لكن لروعة كلامك
لقد عزفت سنفونية بمنتهي الروعة
تقبل مروري حتي ولوكان متاخر

لك محبتي واحترامي