لغهـ الشباب (ادخلو يا بنات)

موضوع: لغهـ الشباب (ادخلو يا بنات) 12/2/2010, 17:50

وشو بيقصدو

حبيبتي لا تهكلي همي طلعي مع رفقاتك اليوم
(ما صرلنا يومين مرافقين بكرة بتشوفي)

أنا ما دخلني عملي اللي بدك اياه
(استرجي تعملي غير اللي قلتلك عليه)

مالي علاقة روحي لوين ما بدك
(استرجي تطلعي من باب البيت)

تأكدت طلعتك المسا مع رفقاتك؟
(لكان لاخترع طلعة معك من تحت أضافيري و افقسلك طلعتك)

كأنو رفيقتك سبور كتير؟!!!
(كلا اسبوع و بمنعك تحكي معا)

حبيبتي كانو موبايلك برن كتير
(غيري رقمك قبل ما انا غيرلك ياه)

ورجيني شو نوع موبايلك هاد النوكيا الجديد؟؟
(حفليلك اللوغ رقم رقم واسم اسم)

حلو لون شعرك الجديد بس الطبيعي أحلى
(الله يكسر ايديكي على هالصبغة طالعة متل الرقاصة)

ما بعرف ليش انا مشلوش من طلعتك اليوم الصبح ما عم تفوت بمخي
(بدي اتمشكل و اخترع خناقة و انزعلك مساكي)

كانو مو أول مرة بتجي على هالمحل؟!!!!
(يخرب بيتك شو كاينة دايرة على حل شعرك قبل ما أعرفك)

كانو هالكنزة صغيرة عليكي
(بكسر ايديكي ازا بشوفك لابستيا مرة تانية)

ورجيني كأنو بنطلونك جديد
(يا ويلك ازا بتكوني نازلة عالسوق ومو قايلتيلي)

شفتي الشب اللي مر بالسيارة السودة هاد رفيقي اللي حكيتلك عنو
(لامر ولا شي بدي اتاكد ازا كنتي عم تبصبصي عالشباب بالسيارات)

كربوج رفيقي ما؟؟
(بدي شيل عيونك ازا قلتي اي)

قال رفقاتي شايفينك من كم يوم بالشعلان
(رفقاتي ما بيعرفو كيف شكلك بس بدي زلقك)

الشب ما بعيبو جمالو
(بعرف حالي متل القرد بس استرجي هتيني)

نحنا مجتمع شرقي الشب غير البنت
(أنا بعمل اللي بدي اياه وانتي بتسمعي كلمتي و بتنضبي بالبيت)

انتي ليش حاطة حواجز بيناتنا شو لسة ما وثقتي فيني؟
(تلحلحي نشفتيلي قلبي يا حـيـط)

خلينا نطلع نتمشى طائة روحي من المطاعم
(الدنيي آخر شهر و مفلس ما معي اخدك تتزهرمي)

ييييييي نسيت جزداني بالسيارة
(استحي على دمك حاجتي اصرف عليكي)

متخانق مع اهلي مشانك وعم نام عند رفيقي
(حطي ببالك من اليوم ورايح بدك تصرفي عليي)

أنا ما بؤمن بالفلنتاين كل يوم عندي هو عيد حب معك
(يعني ازا بدك تجيبيلي هدية جيبيلي بس لا تحلمي انا جبلك)

رفيقتي القديمة كانت حتنتحر بس قلعتا
(قلعتني و مسحت بكرامتي الارض ومتت لارجعلا)

إمي حستك قوية
(امي ما طاقتك و عم تدورلي على عروس وانا ما بتنيلا كلمة)

حبيبتي ليش كل ما بحاكيكي بتندهلك امك؟
(يقطع عمرا إمك شو قوية و شاضومة و قارحة)

انا اللي بدي اخدا بدا تكون قنوعة و عينا شبعانة
(أنا شحاد و ما معي آكل)

حبيبتي حاكيني بسرعة خلص شحن موبايلي
(طالع مع ضرب جديدة عم زبطا وحاقفل موبايلي)

انا حاسس انك متغيرة و ماعم تحسي فيني متل قبل
(أنا عم خونك وعم اتحجج لنترك)

نحنا التنين متوترين خلينا نبعد عن بعض فترة نفكر فيا منيح
(أنا مليت منك وما بدي اتركك قبل ما دور على وحدة جديدة)

ديري بالك على حالك وتاكدي اني عنجد حبيتك و مستحيل انساكي وبتمنالك كل خير
(عم طيب خاطرك بعد ما هنتك و خنتك و قلعتك)

أنا في بعدك ما أنام طول الليل

(بس بنام شوي العصر)

ياريت في كلمة تعبر لك ع اللي أنا حاسس فيه غير بحبك

(لاني بالحقيقه ما بحبك )

راح نتزوج طبعاً يا حبيبتي بس اعطيني فرصه ستة شهور

(بعدها مارح تشوفي وشي)

بحس اني دائما مسؤل عنك

(الي ما فيها فلوووس)

بالأشياء طول الليل بحلم فيكي

(اللهم احفظنا من الكوابيس)

كلمة حلوه منك واقطع كل الي اعرفهم

(ما عدا سوسو و ميمي و فوفو )

لما اشوفك يروح مني الكلام وانساه

(من الصدمه )

انا ما كنت عايش من قبلك

(بس اكيد احسن من هلأ وعلى العموم قربت اعيش متل زمان )

تتجوزيني يا حبيبتي

(يارب تقول لا)

ممكن

(حلي عني)

مستحيل

(فرجينا عرض كتافك )

شوف هالفستان شو حلو

(أكيد حلو بس على هيفاء وهبي مش عليكِ )

1-احبك اكتير انتى اول وحده بقولها هيك=انا قلت ل500 وحده قبلك هيك

2-انا معجب بيكى وبدى اتكلم معاكى=انا مترهن مع صحابى عليكى ولازم افوز الرهان

3- معلش امبارح حياتى كنت بذاكر ما ععرفت اكلمك= كنت قاعد مع البنت التانيه الله انتى هتخنقينى

4-معلش حبيبتى انا امبارح معرفتش اتصل بيكى كنت مع والدى= ما كان معى كرديت(رصيد) متصلتيش انتى ليه ولا لازم انا اتصل

5- حبيبتى اوعى فى يوم تنسينى= اوعى تنسينى قبل انا ما انساكى

6- اوعى تسبينى = اوعى تسبينى عشان منظرى ادام صحابى

7- حبيبتى هاتى صورتك عشان كل ما توحشينى ابص لصورتك= هاتيها عشان اتمنظر بيكى ادام صحابى

8- حبيبتى انا كل كلمه قلتهالك كلها صدق= انا عمرى ما قلتلك كلمه صدق اساسا

9- حبيبتى انتى طيبه اوى= انتى هبله اووى عشان وفقتى انك تتكلمى معى

10- حبيبتى اذا عرفتى انى مت شو بتسوى(طبعا اشاعه لحتى سيبكـ واول ما ح تعرفي ح سيبك)= انا هسيبك حالا

عقلهم مركب بالمقلوب شو نسوي

أمرنالله

هههههههههههههههههههههههههههههههههههه
تحشيييييييش ياامورة بجننو بضحكواا كتييير
والله مركب بالمقلوب ههههههههههه
تسلميلي ياعسل شو حلوة مشاركاتك دايما تحياتي لعيونك

وانتي احلى حبيبتي
مشكورة ع مرورك الجميل
تحياتي لالكــ

له له له يا اموره احنا هيك
هههههههههههههههه
يمكن
ههههههههههههههه
شكرا لك

ما حد بيقول عن زيتو عكر سائد
هههههههههههههه
شكرا ع تواصلك الجميل خيو
تحياتي لالكـــــ

» ادخلو >>>>>>>>>>>>>>>>>>>>>>>>>>>>>>>>>>>>>
» ههههههههههه ادخلو
» اغنيييييييييه رووووووووووووووعه......ادخلو بسرررررررررررررررررعه......هههه
» صور سيارات رائعة ادخلو ,,,,,,
» لكل عشاق السيارات ادخلو بسرعة