الطلاب لما يدق جرس الاستراحة

ههههههههههههه يسلمو يا حنين

وحكيلك انا شو كنت سوي او بعض الاشيا
طبعا عنا مقصف بالمدرسة بس ما بعجبنا فكنا نهرب وننزل على أقرب سوبرماركت
طبعا كل الاكل نجيبو ونرجع نوكل ورا المدرسة
بيوم لسة بدنا نط من على صور المدرسة ولا الاساتاذ ماسكنا
طبعا حكالنا يلا جيبو الاكل وعلى المدير لي لحتى الدليل يكون معنا
انا كنت أخر واحد بالشلة مسكت الاكل السوبرماركت قريب رجعت الاكل اخدت فلوسنا
ورحنا هلا المدير بسأل شو مالكم حكنالو ما بنعرف الاستاذ فلان حكالنا روحو عند المدير
نادى على الاستاذ حكالو ايش مالهم حكالهم مسكتهم طالعين برة المدرسة وجايبين اكل وهيو كيس الاكل مع انس
حكالي وين الكيس انا طبعا استهبلت حكتلو اي كيس حكالي كيس الاكل حكتلو اي اكل حكالي يلي جبتو من برات المدرسة
حكتلو انا ايمتا ما رحت حكالي اسمع لا تستهبل حكتلو عنجد انت ليش جايبنا
الاستاذ ولعت معو ما سعيتو ولا هو ماخدني كف غدر ههههههههههه
طبعا انا ولعت معي تهاوشت انا ويا وطلعت علي بالعالي
حكتلو ما رحنا وهيو مصروفنا لسة معنا وما شترينا في
وفعلا ورجينا المصروف الاستاذ ضلو صافن شي نص ساعة
بعد الطوشة حكالنا روحو طبعا ما اتخذ اي اجراء لانو صاحب المحل صحبي معو انكر انو جينا عندو او اشترينا
وكيس الاكل رجعنا ومصروفنا معنا بس الاستاذ الله لا يوجهلو الخير
حطلي 50 بالمادة ههههههههههه وشوي وكان رسبني هههههههههه


وخدي هادي النهفة التانية كنا بالصف جايبين مغيط طبعا نلف ورق ونعمل منو مقليع
الممول كان طالب عندهم مصنع ههههههههههه
وزع علينا وبلشنا ضرب اجت ورقة بعين طالب بس ما فسد الاستاذ مسك طالب تاني معو وحدي
اخدو للمدير هداك كر كل شي عندو وطلعنا واحد واحد بس طبعا كنا مخفين ادوات الجريمة
والجن الازرق بلقاهنش بس الطالب الفساد اعترف المهم روحنا للمدير وما قدرنا ننكر
بس شو عملت انا بذكائي الخارق لما شفت المدير مصمم يعرف مين يلي جابهن النا
خطرت ببالي فكرة فسدت وحكيت انو يلي عطانا اياهن الطالب يلي فسد عنا والكل حكا مزبوط
صار ينكر بس شو محسوبكم داهية حكتلو اكبر دليل على صدقنا انو ملقتش معنا شي
وبس معو وهو حاطهن بشنتو وروح تفقدها بالمكان يلي على اليمين فعلا راح وفتش هههههه
ولا هني فيها وخدو على كفوف للمسكين واحنا طلعنا اعفاء ههههههههه

يعني ما حد حكالو يفسد مزبوط ههههههههههه

يسلمو حنين هههههههههههه