قصيدة:لغة ألنظر...! نور محمد ألخطيب

ودعنا بليلة من ألعمر

تحت مطرات ألشتي

غرقنا في موجة بحر

وضعنا حد للقدر..

كتبنا أخر سطر على ورقات ألشجر..

أجمل سطر مكلل بحروف ألخريف..

محينا كل شي أنكتب

حكينا أخر كلمات

وضحكنا لحظات..

صدقني حبيبي ما في علينا عتب..

مر ألوقت ..

وكل شي مر بالعمر..

لا سطور ولا كتب..

لا حروف و لا حتى صور..

ما في شي يحكي عنا غير

ألنظر..

لغة ألعين يلي بتبكي

ويلي بتحكي علي حصل...

من زمان كنا نلتقي سوى

على جناحات ألفرح..

نحكي قصصنا للطيور ألحرة بالسما..

نستحي نغفي شي لحظة حب

في غياب ألبصر...

طيور أللقى هجرتنا

بعدتنا ألدنيا و ضيعتنا..

في وهم ألفرقة وللغربة

رجعتنا..

ما تخاف روح مطرح ما بدك..

ما راح يحكوا عنا ألبشر..

ما في شي ...

نحرقوا..

نمحية..

أو نخفية..

من قصة ماضي أنكسر..

صدقني حبيبي..

ما في علينا عتب..

روح قلتلك من ألبداية

ما أنكتب علينا غير بلغة

ألنظر...!

نور محمد ألخطيب.

شكراً عزيزتي و كم مرورك ألكريم أسعدني...

وأن عجز ألكلام عن ألشرح

فأن ألصمت كان أجملُ عنوان..

مشكورة عزيزتي مني لك أطيب ألتحيات: نور محمد ألخطيب.